Kanada Hökuməti üçün Azərbaycanda viza müraciətçilərinə texniki dəstək göstərən və VFS Global şirkəti ilə birgə Beynəlxalq Miqrasiya Təşkilatının (BMqT) Azərbaycan Nümayəndəliyi tərəfindən idarə edilən Kanada Viza Müraciət Mərkəzi (CVAC) yeni ünvanda – Yasamal rayonu, İzmir küçəsi, 23-də yerləşən ofisində (Hyatt Regency mehmanxanasının yaxınlığında) fəaliyyətini davam etdirir.

Qeyd edək ki, əvvəl Mərkəz BMT-nin Azərbaycan nümayəndəliyinin binasında yerləşirdi.

Kanada Hökuməti adından fəaliyyət göstərən CVAC müvəqqəti yaşayış kateqoriyalarına aid bütün növ müraciətləri (ziyarətçi vizası, təhsil və iş vizası), o cümlədən Kanadanın Azərbaycanda yaşayan daimi rezidentlərindən yol sənədlərinə dair müraciətləri qəbul edir.

CVAC həmçinin viza müraciətlərini, pasportları muvafiq qərarla birlikdə möhürlənmiş zərfdə müraciətçilərə geri qaytarır, həmçinin, Kanada Viza İdarəsi adından müsahibələrin vaxtının təyin edilməsində köməklik göstərir.

Mərkəzlə +994 12 538 57 44 nömrəsi və ya info.canbakiom@vfshelpline.com electron poçt ünvanı vasitəsilə əlaqə saxlamaq mümkündür.